ავტორიზაცია
"ხვალ ჰოილუნდი ჩემს აღნიშვნას იხილავს!" — კრიშტიანუ რონალდუ
20 მარტს, ერთა ლიგის 1/4-ფინალის პირველ მატჩში, დანიამ პორტუგალიას უმასპინძლა და რასმუს ჰოილუნდის გოლით, 1-0 დაამარცხა.
საინტერესოა, რომ დანიელმა თავდამსხმელმა გატანილი ბურთი კრიშტიანუ რონალდუს სტილში აღნიშნა. განმეორებითი მატჩის წინ პორტუგალიელმა ლეგენდამ ამაზე კომენტარი გააკეთა.
"ჰოილუნდმა ჩემი აღნიშვნა გამოიყენა, მაგრამ ეს პრობლემა არაა. ვიცი, რომ მისი მიზანი ჩემი შეურაცხყოფა არ ყოფილა. საკმარისად ჭკვიანი ვარ იმის გასაგებად, რომ ამას არა მხოლოდ რასმუსი, არამედ სხვა სპორტების წარმომადგენლებიც აკეთებენ. ვიმედოვნებ, ხვალ სწორედ ჰოილუნდი იქნება ის ადამიანი, ვინც ჩემს აღნიშვნას ნახავს!
თუმცა, უბრალოდ საკუთარ გოლზე არ ვფიქრობ. მხოლოდ ის მინდა, რომ პორტუგალიამ მოიგოს. თანახმა ვარ, საერთოდ არ ვითამაშო, თუ მოვიგებთ. ჩემი ფოკუსი, როგორც ყოველთვის, ჩემი ქვეყნის გერბის სიკვდილამდე დაცვაა. ბედნიერი ვიქნები, თუ თანაგუნდელი გაიტანს და გუნდი მოიგებს.
ეროვნული ნაკრების გარშემო გარკვეული ნეგატივია. ზოგიერთი კითხვა შეურაცხმყოფელია. როცა თქვენს კითხვებს ვპასუხობ, მე მიყურეთ და არა კომპიუტერებს - ამისთვის დრო გაქვთ. თუ საჭირო იქნება, ამას ათჯერ გავიმეორებ.
მატჩები 90 წუთში წამიგია, მაგრამ პირველ ტაიმში - არასდროს... ხვალ მეორე ტაიმია. პირველ შეხვედრაში არაფერი გამოგვივიდა, ასეთი დღეებიც არსებობს, თუმცა ეს ცხოვრების ნაწილია," — კრიშტიანუ რონალდუ.
პორტუგალიასა და დანიას შორის განმეორებითი მატჩი დღეს, 23 მარტს, ჟოზე ალვალადეზე გაიმართება. დაპირისპირება სტარტს 23:45 საათზე აიღებს.
