“ხვალინდელი მიზანი მოგებაა” | კიტეიშვილი სომხეთთან მატჩის წინ

ერთა ლიგაზე, სომხეთის წინააღმდეგ, გასვლაზე გასამართი მატჩის წინ, საქართველოს ნაკრების ფეხბურთელმა, ოთარ კიტეიშვილმა პრესკონფერენცია გამართა.

“2020 წელს სომხეთთან მძიმე მატჩი გვქონდა, მაგრამ ამის შემდეგ ბევრი რამ შეიცვალა. ხვალინდელი მიზანი მოგებაა.

შტურმში კაპიტანი ვარ, თუმცა, რა თქმა უნდა, ეროვნული ნაკტების კაპიტნობა ორმაგად დიდი პატივი და პასუხისმგებლობაა. მადლობა მწვრთნელს ნდობისთვის. იმედია, გუნდს წარმატებულად ვუკაპიტნებ. ეს ჩემი ოცნება იყო. მარტივი არაა, კაშიასნაირი კაპიტანი შეცვალო, მაგრამ ყველაფერს გავაკეთებ.

სომხეთი კონტრშეტევებზე იქნება ორიენტირებული და ამისთვის მზად უნდა ვიყოთ. შევეცდებით, საუკეთესო პერფორმანსი ვაჩვენოთ,” — ოთარ კიტეიშვილი.

საქართველო ერთა ლიგის პლეიოფში, B დივიზიონში დარჩენისთვის სომხეთთან ორმატჩიან დუელში იბრძოლებს. პირველი დაპირისპირება 20 მარტს, ერევანში შედგება, 3 დღის შემდეგ კი, განმეორებით მატჩს თბილისი უმასპინძლებს.

ხვალინდელ მატჩში, გურამ კაშიას არყოფნის გამო, ნაკრებს სწორედ კიტეიშვილი უკაპიტნებს.