ხვიჩა კვარაცხელია ლივერპულში — არნე სლოტმა კომენტარი გააკეთა

ბოლო რამდენიმე დღეა ხვიჩა კვარაცხელიას ნაპოლიდან წასვლაზე აქტიურად იწერება და გავრცელებული ინფორმაციით, ქართველის ტრანსფერით ლივერპულიც არის დაინტერესებული.

მატჩისწინა პრესკონფერენციაზე, ლივერპულის თავკაცს, არნე სლოტს ერთ-ერთმა ჟურნალისტმა აღნიშნული ტრანსფერის შესახებ კითხვა დაუსვა და ნიდერლანდელმა სპეციალისტმა კომენტარი გააკეთა.

"კვარაცხელია? სატრანსფერო ფანჯრის პერიოდში, არაერთი ჭორი ვრცელდება და მათგან დიდი ნაწილი არ მართლდება. აღნიშნულ თემასთან დაკავშირებით სხვას ვერაფერს გეტყვით" — აღნიშნა ლივერპულის მთავარმა მწვრთნელმა.