ავტორიზაცია
ხვიჩა კვარაცხელია: ტკივილგამაყუჩებლებით ვითამაშე
ტირანაში, გასვლაზე, ალბანეთთან მოგების (1-0) შემდეგ ხვიჩა კვარაცხელიამ LaGazzetta.ge-სთან კომენტარი გააკეთა.
"ფეხი მტკიოდა, რის გამოც ტკივილგამაყუჩებლებით ვითამაშე და, რაც შევძელი, ყველაფერი გავაკეთე. ვიმედოვნებ, ყველაფერი კარგად ჩაივლის და ტრავმა სერიოზული არ აღმოჩნდება.
შეგვიძლია თუ არა მსოფლიო ჩემპიონატზე გასვლა? ვფიქრობ, ევროპის ჩემპიონატზე დავამტკიცეთ, რომ ჩვენთვის შეუძლებელი არაფერია. ერთა ლიგაზეც ორი ძლიერი ნაკრები დავამარცხეთ. იმედია, დასახულ მიზნებს მივაღწევთ.
ჩაკვეტაძე საოცარი ფეხბურთელი და უდიდესი ტალანტია. მასთან ერთად თამაში პრივილეგიაა. ჩაკვესთან ერთად მოედანზე თავს კომფორტულად ვგრძნობ და ეს მსიამოვნებს," - განაცხადა ხვიჩამ.
