ხვიჩა კვარაცხელიას მიმართ ავსტრიაში დიდ ყურადღებას იჩენენ, - ოთარ კიტეიშვილი

"ავსტრიაში ხშირად მეკითხებიან ხვიჩას შესახებ და მის გოლებსაც მიგზავნიან: ნახე რა გოლი შეაგდოო, თითქოს, ნანახი არ მქონდეს. ყველას ძალიან მოსწონს კვარას თამაში, მისი თამაშის სტილისა და ხარისხიდან გამომდინარე. ყველასთვის ძალიან სასიამოვნო საყურებელია, ძალიან აფასებენ და დიდ ყურადღებას იჩენენ, ჩემი რამდენიმე გუნდელის საყვარელი ფეხბურთელიც კი არის კვარა," - ხვიჩა კვარაცხელიას შესახებ საქართველოს ნაკრებისა და გრაცის "შტურმის" ფეხბურთელმა ოთარ კიტეიშვილმა La Gazzetta dello Sport Georgia - სთან ინტერვიუში ისაუბრა.

კიტეიშვილმა ასევე ლუქსემბურგთან მოახლოებულ მატჩზე, საქართველოს შანსებსა და "შტურმის" წარმატებულ სეზონზე ისაუბრა.