კიდევ ერთი სარფიანი გარიგება? - გორის დილა ნიდერლანდელ შემტევს ყიდის

თავდაპირველად, 22 წლის ფორვარდს "ლიდსი იუნაიტედს" უკავშირებდნენ.

ბოლო რამდენიმე დღის განმავლობაში, ნიდერლანდულ "დენ ჰააგს" და კვიპროსული ლიმასოლის "აპოლონის" ინტერესზე აქტიურად იწერება.

goal.philenews-ს ინფორმაციით, "აპოლონი" ახლოს არის ვაუტერის ტრანსფერის დახურვასთან. 

წყაროს ცნობით, თუ რაიმე არ შეიცვალა, გარიგება მალე შედგება.

სხვა კვიპროსული წყაროები ამტკიცებენ, რომ გორის "დილა" მოთამაშის სანაცვლოს სოლიდურ თანხას მიიღებს.

შეგახსენებთ, რომ ტაირელ ვაუტერმა ეროვნული ლიგის 2024 წლის გათამაშებაში 35 მატჩი ჩაატარა, რომელშიც 19 გოლის გატანა და 6 საგოლე გადაცემა გააკეთა.