ავტორიზაცია
კიდევ ერთი ტრანსფერი: გაგრამ გამოცდილი მცველი დაიმატა
რამდენიმე დღის წინ, "გაგრას" სატრანსფერო სიახლეებისა და კლუბის სამომავლო გეგმებზე გაუწყეთ.
გაგრელებმა ქობულეთის "შუქურას" ორი ფეხბურთელი, ზურაბ მუსელიანი და კახაბერ კაკაშვილი დაიმატეს.
GOAL.GE-ს ინფორმაციით, "გაგრამ" კიდევ ერთი ტრანსფერი განახორციელა და გამოცდილი მცველი ლევან კაკუბავა გადაიყვანა.
ბოლო 4 სეზონი კაკუბავა "საბურთალოში" თამაშობდა. ცოტა ხნის წინ, მის "სამგურალში" გადასვლაზეც დავწერეთ, თუმცა ტრანსფერი არ შედგა და ახალი სეზონიდან კაკუბავა "გაგრაში" ითამაშებს.
ავტორი: ბაჩო ცალუღელაშვილი
