ავტორიზაცია
კილიან მბაპე: კრიშტიანუს მსგავსი არავინ იარსებებს, მაგრამ ვიმედოვნებ, ხვალ მას დავამარცხებთ
რეალის ახალწვეულმა, კილიან მბაპემ კლუბის ლეგენდაზე, კრიშტიანუ რონალდუზე ისაუბრა.
"შესაძლებლობა მაქვს, რეალში ჩემი ოცნება დავიწყო. ვიმედოვნებ, ისტორიას დავწერ. მაგრამ ამ კლუბში კრიშტიანუს ისტორია უნიკალური იყო. მე მხოლოდ მისი შექება შემიძლია. კრიშტიანუ ლეგენდაა. ჩვენ კონტაქტი გვაქვს.
პორტუგალიელმა საფეხბურთო ისტორია დაწერა. რონალდუს მსგავსი აღარავინ იქნება. მან თაობებს ინსპირაცია მისცა.
თუმცა, იმედი მაქვს, ხვალ მას დავამარცხებთ (იცინის)," - განაცხადა ფრანგმა.
ხვალ მბაპე და კრიშტიანუ რონალდუ ერთმანეთს პორტუგალია-საფრანგეთის მატჩში, ევროპის ჩემპიონატის მეოთხედფინალში დაუპირისპირდებიან.
მბაპესა და კრიშტიანუს ერთმანეთის წინააღმდეგ 4-ჯერ უთამაშიათ - რონალდუს უპირატესობა აშკარაა: მბაპეს წინააღმდეგ მან 2 მატჩი მოიგო, დანარჩენი 2 კი ფრედ დასრულდა.
