კიმიხმა შესაძლოა ბაიერნი დატოვოს და კარიერა ლა ლიგაში გააგრძელოს

გერმანიის ნაკრებისა და მიუნხენის "ბაიერნის" ნახევარმცველი ჯოშუა კიმიხი კატალონიური "ბარსელონას" სატრანსფერო სამიზნედ რჩება, იუწყება Diario Sport.

წყაროს ცნობით, "ბლაუგრანას" ხელმძღვანელობა ფეხბურთელს შეთავაზებას მომავალ ზაფხულს გაუკეთებს. ეს იმ შემთხვევაში მოხდება, თუ 28 წლის ნახევარმცველი "ბაიერნთან" ახალ სამუშაო კონტრაქტს არ მოაწერს ხელს.