"კიმიხს უსასრულოდ ვერ დავუცდით" | ბაიერნის დირექტორი — მაქს ებერლი

ბაიერნის დირექტორმა, მაქს ებერლმა იოზუა კიმიხის მომავალთან დაკავშირებით კომენტარი გააკეთა.

"ახალი კონტრაქტი? რა თქმა უნდა, კიმიხს უსასრულოდ ვერ დაველოდებით, მაგრამ გვინდა, მას ცოტა დრო კიდევ მივცეთ, რათა გადაწყვიტოს, რომ ბაიერნი ის კლუბია, რომელშიც დარჩენაც სურს - ეს ლეგიტიმურია," — განაცხადა ებერლმა.

აღსანიშნავია, რომ კიმიხს მიუნხენურ გრანდთან კონტრაქტი 2025 წლის 30 ივნისს ეწურება, რაც ნიშნავს, რომ თუ ის ხელშეკრულების გახანგრძლივებაზე უარს იტყვის, "რეკორდმაისტერი" ფეხბურთელს უფასოდ დაკარგავს - შესაბამისად, ზაფხულში, მსურველს კლუბს მისი დამატება თავისუფალი აგენტის სტატუსით შეეძლება.

გერმანელს ბოლო წლებში ყველაზე ხშირად ბარსელონას უკავშირებდნენ.