კიტეიშვილის დაბრუნების სავარაუდო თარიღი ცნობილი გახდა
"შტურმ გრაცის" მთავარმა მწვრთნელმა, კრისტიან ილცერმა ისაუბრა თავისი გუნდის შემტევი ნახევარმცველის, ოთარ კიტეიშვილის ჯანმრთელობის მდგომარეობის შესახებ.
"ვფიქრობ, კიტეიშვილს კიდევ რამდენიმე კვირა დასჭირდება ვარჯიშის გასანახლებლად. იმედი მაქვს, აპრილიდან დაგვეხმარება", - განაცხადა ავსტრიელმა დამრიგებელმა.
შეგახსენებთ, რომ ქართველმა გამთამაშებელმა ლაზარეთში გადაინაცვლა გასული წლის სექტემბრის ბოლოს, ევროპა ლიგაზე, "პსვ ეინდჰოვენთან" შეხვედრაში მიღებული ტრავმის შემდეგ.
დაზიანებამდე, ავსტრიელთა ფლეიმეიქერმა მოასწრო 14 შეხვედრის ჩატარება, ოთხი გოლის გატანა და ოთხი საგოლე გადაცემის განხორციელება. შემდეგ კი "შავ-თეთრების" 10-იანისთვის საფეხბურთო წელი დასრულდა.
25-წლის ჰავბეკის დაბრუნება თავდაპირველად იგეგმებოდა თებერვლის ბოლოს, თუმცა რეაბილიტაციის პროცესი გაიწელა. რაც შეეხება ტრავმის სიმძიმეს, "კიტეს" კოჭის მყესი გაუწყდა.
"სამწუხაროა, რომ ასე მოხდა" - კიტეიშვილს ნაოპერაციები შეუშუპდა
