ავტორიზაცია
კლაუდიო ბრავო: ტერ შტეგენი მიხვდა, რომ ვერ დამამარცხებდა
ბარსელონას ყოფილმა ჩილელმა მეკარემ, კლაუდიო ბრავომ, ყოფილ თანაგუნდელსა და კონკურენტზე, მარკ-ანდრე ტერ შტეგენზე ისაუბრა.
"ტერ შტეგენმა გაანალიზა, რომ ჩემს დამარცხებას ვერ შეძლებდა. სპორტული თვალსაზრისით, მწვრთნელი სასტარტო შემადგენლობიდან ვერ ამომაგდებდა. პირველ 7 მატჩში, რომელიც ბარსას მაისურით ჩავატარე, ლა ლიგაში ზედიზედ 7-ჯერ შენახული კარით რეკორდი დავამყარე. როგორ შეიძლებოდა, მათ შევეცვალეთ? სადებიუტო სეზონშივე ჩემპიონები გავხდით, მე კი სამორას პრიზი მოვიგე და მხოლოდ 15 თუ 16 გოლი გავუშვი - ეს მნიშვნელოვანი მიღწევა იყო და ჩემს შესაცვლელად ვინმეს უფრო მეტი უნდა ექნა.
ისე ჩანდა, თითქოს კონფლიქტური სიტუაცია გვქონდა და მეგობრები არ ვიყავით, მაგრამ სინამდვილეში ყველაფერი პირიქით იყო. ლოგიკურია, რომ გამოცდილი და ახალგზრდა მოთამაშეების ხედვები ერთმანეთისგან განსხვავდება. რადგან მე უფრო გამოცდილი ფეხბურთელი ვიყავი, მევალებოდა, რომ სიტუაცია დამეწყნარებინა და დაძაბულობა არ შემექმნა. კონკურენცია ძალიან დიდი იყო და ყველა ყურადღებით უნდა ყოფილიყო, რომ მოთხოვნები დაეკმაყოფილებინა," - განაცხადა ბრავომ.
ბრავო და ტერ შტეგენი კატალონიურ კლუბში თანაგუნდელები 2014-2016 წლებში იყვნენ. ამ დროის განმავლობაში ლა ლიგაში ბარსელონას კარს ჩილელი იცავდა, ჩემპიონთა ლიგაზე კი - გერმანელი. კლაუდიოს წასვლის შემდეგ კი მარკი გუნდში უპირობო ნომერ პირველი მეკარე გახდა.
