კლოპი: "თასის ფინალში გასვლის შემდეგ ოთხი ტიტულის მოგება კიდევ უფრო გართულდა, მაგრამ ეს ვის აღელვებს?"
"ლივერპულის" მთავარმა მწვრთნელმა, იურგენ კლოპმა ინგლისის თასის ნახევარფინალში "მანჩესტერ სიტის" (3:2) დამარცხების შემდეგ განცხადება გააკეთა.
"ოთხი ტიტულის მოგებაზე საუბრის არ მჯერა. ეს გამარჯვება იმას ნიშნავს, რომ კიდევ ერთი მატჩი გველოდება წინ, შემდეგ კი შუა კვირაში "ასტონ ვილას" შევხვდებით. ამიტომაც, კიდევ ერთი შეხვედრის გადადება მოგვიწევს".
"ვფიქრობ, ბოლო ტურამდე ერთი თავისუფალი კვირაც კი არ გვექნება. ყველაფერი რთულადაა, მაგრამ ეს ვის აღელვებს?".
"ფინალში გასვლა გვინდოდა. პრობლემების შესახებ ვიცოდით, მაგრამ ფინალში გასვლა ოთხი ტიტულის მოგებას კიდევ უფრო რთულს გხდის. ეს ასეთი შედეგის დაფიქსირების ერთადერთი გზაა, მაგრამ ყველაფერი მხოლოდ რთულდება - უცნაური სიტუაციაა".
"მაგრამ ჩვენ მეშვიდე ცაზე ვართ. "ლივერპულმა" მსოფლიოს უძლიერესი გუნდი დაამარცხა და ეს განსაკუთრებული მომენტია", - ციტირებს კლოპის სიტყვებს BBC.
