ავტორიზაცია
კლუბს ტოვებს, მაგრამ ქალაქში რჩება - მარტინ ბრეიტვეიტი ლა ლიგის გუნდს შეუერთდება
დანიელი ფორვარდი მარტინ ბრეიტვეიტი „ბარსელონას“ ტოვებს და კარიერას ლა ლიგის სხვა გუნდში გააგრძელებს.
ფაბრიციო რომანო და კატალონიური პრესა წერენ, რომ ბრეიტვეიტის ახალი კლუბი „ესპანიოლი“ იქნება.
„ესპანიოლთან“ მარტინი 3-წლიან კონტრაქტს გააფორმებს 2025 წლის ივნისამდე, ის გუნდს უფასოდ შეუერთდება მას შემდეგ, რაც „ბარსელონას“ თავისუფალი აგენტის სტატუსით, კონტრაქტის გაწყვეტის შედეგად დატოვებს.
გავრცელებული ინფორმაციით, „ბარსელონა“ ბრეიტვეიტს სთხოვდა, რომ შეძლებისდაგვარად სხვა გუნდში წასულიყო და არა მაინც და მაინც თანაქალაქელ „ესპანიოლში“, თუმცა დანიელმა არჩევანი მაინც კატალონიურ გუნდზე შეაჩერა.
სატრანსფერო ფანჯრის ბოლო დღე „ბარსელონაში“ ძალიან აქტიური უნდა გამოვიდეს, ველოდებით კიდევ სხვა სიახლეებს.
