კოლუმბიის ნაკრებისა და სოსიედადის ექს-ფეხბურთელს 11-წლიანი ციხე მიესაჯა

კოლუმბიის ნაკრების ყოფილ ფეხბურთელს, ჯონ ვიაფარას, აშშ-ს ტერიტორიაზე ნარკოტიკის გადაზიდვის გამო, თავისუფლების 11 წლით აღკვეთა მიუსაჯეს.

Dallas News-ის ინფორმაციით, 2018 წელს ვიაფარა დამნაშავედ სცნეს იმაში, რომ ის მსხვილ კონტრაბანდასთან თანამშრომლობდა, რომელსაც კოლუმბიიდან ცენტრალურ ამერიკასა და აშშ-ში დიდი დიზოთ კოკაინი გადაჰქონდა.

განაჩენი ტეხასის ფედერალურმა სასამართლომ გამოიტანა. ჯამში, მოსამართლემ ბრალი 5 ადამიანს წაუყენა, რომელთა შორის ერთ-ერთს, ვიაფარას მსგავსად, 11 წელი მიესაჯა.

ფეხბურთელმა პროფესიონალური კარიერა 2015 წელს დაასრულა. მას არაერთ კოლუმბიურ კლუბში და ასევე, „პორთსმუტში“, „საუთჰემპტონსა“ და „სოსიედადში“ აქვს ნათამაშები. ეროვნულ გუნდში ჯონმა 43 მატჩი ჩაატარა.