კონფერენს ლიგა: ბირმინგემში და ფლორენციაში 11 გოლი გავიდა

ბირმინგემში ასტონ ვილამ საკუთარ მოედანზე ოლიმპიაკოსი მიიღო და მოულოდნელად 2-4 დამარცხდა. სტუმართა მხრიდან ჰეთ-თრიკი ელ ქააბი გაიფორმა, ხოლო ერთი გოლი ჰეზემ გაიტანა. მასპინძლებიდან კი თავი უოტკინსმა და დიაბიმ გამოიჩინეს.

5 გოლი გავიდა ფლორენციაში, სადაც ფიორენტინამ ბრიუგე მიიღო და მეტოქე მსაჯის მიერ დამატებულ დროში, 3-2 დაამარცხა. მასპინძლების რიგებიდან გოლის გატანა სოტილიმ, ბელოტიმ და ნზოლამ მოახერხეს, ხოლო სტუმრებიდან მეტოქის კარი ვანაკენიმ და იგორ ტიაკომ აიღეს.

კონფერენს ლიგის 1/2 ფინალური ეტაპის განმეორებითი მატჩები ზუსტად 1 კვირაში, 9 მაისს გაიმართება.