კონფერენს ლიგა | იბერიამ ტურნირზე ასპარეზობა დაასრულა

გუშინ კონფერენს ლიგის მეორე საკვალიფიკაციო ეტაპის განმეორებითი მატჩები გაიმართა. ამ ტურში მონაწილეობა ქართულმა კლუბმა, იბერიამ, მიიღო, რომელმაც ლევადიას მიხეილ მესხის სტადიონზე უმასპინძლა.

სამწუხაროდ, აღნიშნულ შეხვედრაში ფრეს დავჯერდით და სტუმრებმა ორი მატჩის ჯამში (2-3) დაგვამარცხეს.

შეხვედრა საკმაოდ დაძაბული გამოდგა, პირველად მე-40 წუთზე იბერიელებმა მოახერხეს დაწინაურება, თუმცა მეორე ნახევრის 48-ე წუთზე სტუმრებმა შეძლეს ანგარიშის გათანაბრება, საბოლოოდ შეხვედრის 87-ე წუთზე ქართულმა გუნდმა ყველაფრის თავიდან დაწყება და გოლის გატანა შეძლო (2-1), დაპირისპირება დამატებით დროში გაგრძელდა და ამჯერადაც ესტონელებმა გაგვიტანეს რის შედეგადაც, ორი მატჩის ჯამში დავმარცხდით და ტურნირზე ასპარეზობა დავასრულეთ.

 

შეგახსენებთ, რომ ყველაფერი ჯერ არ დასრულებულა — სამი ქართული გუნდი კვლავ აგრძელებს ჩემპიონატზე ასპარეზობას. ხვალ სამივე კლუბი შინ განმეორებით შეხვედრებს გამართავს.