კონფერენს ლიგა: შესანიშნავად მოასპარეზე დებიუტანტი ტურნირის ფავორიტის წინააღმდეგ | დღის პრევიუ

დღეს კონფერენს ლიგის დღეა - მე-4 ტურში 17 მატჩს ვიხილავთ, მათ შორის, გიორგი გოჩოლეიშვილის კოპენჰაგენის თამაშს, რომელიც დინამო მინსკს ესტუმრება. ამასთან, ლაშა დვალის აპოელ-ი მიოლდეს ხვდება.

ჰაიდენჰაიმი 🆚 ჩელსი

ტურის ცენტრალურ შეხვედრად, შესაძლოა, ეს ჯახი მივიჩნიოთ - ტურნირის ერთ-ერთი მთავარი ფავორიტი (თუ მთავარი არა) გერმანიაში ჰაიდენჰაიმს დაუპირისპირდება.

ჰაიდენჰაიმი ევროტურნირზე პირველად ასპარეზობს, მაგრამ ძალიან კარგად გამოიყურება - ფრანკ შმიდტის შეგირდებმა 3-დან სამი მატჩი მოიგეს, მხოლოდ 1 გოლი გაუშვეს და ლიდერებს შორის არიან. თუმცა, ბუნდესლიგაში გუნდს უჭირს და გასავარდნ ზონასთან ახლოსაა.

ჩელსის კონფერენს ლიგაზე 3-დან 3 მოგება აქვს და სატურნირო ცხრილში პირველ ადგილს იკავებს (9 ქულა სხვა გუნდებსაც აქვთ, მაგრამ ლონდონელები მათ ბურთების შეფარდებით სჯობნიან). წინა ტურში ინგლისურმა კლუბმა სომხური ნოა 8-0 გაანადგურა. ენცო მარესკას გუნდი პრემიერ ლიგაშიც კარგია - ლესტერთან მოგების შემდეგ "არისტოკრატები" სამეულში შევიდნენ.

აღსანიშნავია, რომ ჩელსის გერმანიაში 3-მატჩიანი მოუგებელი სერია აქვს და დღეს სტატისტიკის გამოსწორებას შეეცდება.

დღევანდელი მატჩების განრიგი:

19:30 | ასტანა 🆚 გიმარაეში

21:45 | ბორაცი 🆚 ლასკ-ი

21:45 | ცელიე 🆚 იაგიელონია

21:45 | სერქლ ბრიუგე 🆚 ჰარტსი

21:45 | დინამო მინსკი 🆚 კოპენჰაგენი

21:45 | ჰაიდენჰაიმი 🆚 ჩელსი

21:45 | მიოლდე 🆚 აპოელ-ი

21:45 | ნოა 🆚 ვიკინგური

21:45 | პანათინაიკოსი 🆚 ჰელსინკი

21:45 | სენტ-გალენი 🆚 TSC

21:45 | ნიუ-სენტსი 🆚 იუგორდენი

23:55 | ფიორენტინა 🆚 პაფოსი

23:55 | ლუგანო 🆚 გენტი

23:55 | მლადა ბოლესლავი 🆚 ბეტისი

23:55 | ლიუბლიანა 🆚 ლარნი

23:55 | ომონია 🆚 ლეგია

23:55 | რაპიდი 🆚 შემროქ როვერსი