კონფერენს ლიგის საკვალიფიკაციო ეტაპი | ტორპედომ ომონოიასთან წააგო
![კონფერენს ლიგის საკვალიფიკაციო ეტაპი | ტორპედომ ომონოიასთან წააგო](http://storage.goal.ge/uploads/posts/gTyN49Q91ItcRFuKvwDwOjAIok0pdOFX.jpg)
ცოტა ხნის წინ დასრულდა კვიპროსულ ომონოიასა და ქუთაისის ტორპედოს შორის ნიქოზიაში, კონფერენს ლიგის საკვალიფიკაციო ეტაპის 1/4-ფინალში გამართული შეხვედრა.
41-ე წუთზე სენუ კულიბალიმ კვიპროსული გუნდი დააწინაურა. 75-ე წუთზე ქუთაისელთა ბრაზილიელმა ლეგიონერმა, ფელიპე პირესმა ანგარიში გაათანაბრა, თუმცა ამის შემდეგ სტივ კინის შეგირდებმა საკუთარ კარში კიდევ 2 გოლი მიიღეს: 78-ე წუთზე კულიბალიმ დუბლი შეასრულა, მალევე კი ევანდრომაც (84') გაიტანა და საბოლოო შედეგი დააფიქსირა - 3-1.
განმეორებითი მატჩი 1 აგვისტოს, 21:00 საათზე, რამაზ შენგელიას სახელობის სტადიონზე გაიმართება.