ავტორიზაცია
კონტრაქტი შეთანხმებულია — აინტრახტის ლიდერი იუვენტუსში გადასვლასთან ახლოსაა
ფრანკფურტის "აინტრახტის" შემტევი ნახევარმცველი, ფილიპ კოსტიჩი ტურინის"იუვენტუსში" გადასვლასთან არის ახლოს.
მხარეები მოლაპარაკებებს აწარმოებენ და დიდი ალბათობით, გარიგება უახლოეს პერიოდში დაიხურება.
აღნიშნულ ინფორმაციას ცნობილი იტალიელი ჟურნალისტი, ნიკოლო სკირა ავრცელებს.
როგორც იწერება, "ბებერი ქალბატონი" თავად 29 წლის სერბს 3-წლიან კონტრაქტზე უკვე შეუთანხმდა, სეზონში 2,7 მილიონ ევროიანი (+ ბონუსები) ხელფასით.
გასულ სეზონში კოსტიჩმა ყველა ტურნირზე ერთად "აინტრახტის" ღირსება 42 მატჩში დაიცვა, 7 გოლი გაიტანა და 15 შედეგიანი გადაცემაც ჩაიწერა საკუთარ აქტივში.
