კოპა ამერიკის ფინალი: არგენტინა 🆚️ კოლუმბია | პრევიუ

არგენტინა მიმდინარე ტურნირზე დაუმარცხებელია. "ალბისელესტემ" ჯგუფური ეტაპის პირველ ტურში კანადას 2-0 მოუგო, მეორე ტურში ჩილეს 1-0 სძლია, ბოლო შეხვედრაში კი პერუ 2-0 დამარცხა. მეოთხედფინალში ლიონელ სკალონის შეგირდებმა ეკვადორი პენალტების სერიით გააგდეს, ნახევარფინალში კი კვლავ კანადას შეხვდნენ და 2-0 იმარჯვეს.

არგენტინის მსგავსად, არც კოლუმბიას წაუგია, მაგრამ არც ყველა მატჩი მოუგია. პირველ ტურში მათ პარაგვაი 2-1 დაამარცხეს, მეორე ტურში კოსტა რიკას 3-0 მოუგეს, ბოლო ტურში კი ბრაზილიასთან ფრედ, 1-1 ითამაშეს. მეოთხედფინალში ნესტორ ლორენცოს გუნდმა პანამა 5-0 გაანადგურა, ნახევარფინალში კი ურუგვაის 1-0 სძლია.

არგენტინის სავარაუდო XI: ე. მარტინესი; მონტიელი, რომერო, ლი. მარტინესი, ტალიაფიკო; დე პოლი, მაკ ალისტერი, ფერნანდესი; დი მარია, მესი, ალვარესი.

კოლუმბიის სავარაუდო XI: ვარგასი; ს. არიასი, კუესტა, სანჩესი, მოხიკა; ლერმა, რიოსი, ჯ. არიასი; ხამესი, ლუის დიასი, კორდობა.

მატჩის მთავარი არბიტრი ბრაზილიელი რაფაელ კლაუსი იქნება.