კოსტიჩს სერიოზული მსურველი ჰყავს, აინტრახტმა გუნდის ლიდერს ფასი დაადო

დიდი ალბათობით, "აინტრახტის" შემტევი ნახევარმცველი, ფილიპ კოსტიჩი მიმდინარე სეზონის დასრულების შემდეგ სამუშაო ადგილს შეიცვლის.

სერბეთის ეროვნული ნაკრების 29 წლის ფეხბურთელის ახალი აგენტები "ინტერთან" აწარმოებენ მოლაპარაკებებს.

მილანური გრანდი კოსტიჩს 4-წლიან კონტრაქტსა და სეზონში 5 მილიონ ევროიან ხელფასს სთავაზობს, იტყობინება Sky Sport-ის ჟურნალისტი, ფლორიან პლეტენბერგი.

გავრცელებული ინფორმაციით, "აინტრახტი" მზად არის გუნდის ლიდერი 15 მილიონად გაყიდოს, თუმცა წინადადება ჯერ კიდევ არ მიუღია.

აღსანიშნავია, რომ კოსტიჩს გერმანულ კლუბთან მოქმედი ხელშეკრულების ვადა 2023 წლის ივნისში ეწურება.

მიმდინარე სეზონში ფრანკფურტელთა წამყვანმა მოთამაშემ ყველა ტურნირზე ერთად 36 მატჩი ჩაატარა, 7 გოლი გაიტანა და 13 შედეგიანი გადაცემა გააკეთა.

"არ გვქონდა შეგრძნება, რომ სახლში ვთამაშობდით, საშინელი საღამო იყო", - ხავი აინტრახტთან მატჩზე