კრიშტიანუ რონალდუ ალ ნასრს ყოფილი თანაგუნდელის ტრანსფერს სთხოვს

Marca-ს ინფორმაციით, კრიშტიანუ რონალდუ ალ ნასრს კაზემიროს შეძენას ურჩევს.

39 წლის ფეხბურთელს არაბულ კლუბთან კონტრაქტი ზაფხულში ეწურება. კრიშტიანუ რამდენიმე ვარიანტს განიხილავს, ერთ-ერთი კი ალ ნასრში დარჩენაა, მაგრამ მას სურს, რომ გუნდი გაძლიერდეს, რათა ჩემპიონობისთვის ბრძოლაში ალ ჰილალსა და ალ იტიჰადს წინააღმდეგობა გაუწიოს.

ერთ-ერთი მოთხოვნა სწორედ კაზემიროს ტრანსფერია, რომელთანაც რეალ მადრიდსა და მანჩესტერ იუნაიტედში თამაშობდა. GiveMeSport-ის ცნობით, ალ ნასრი ბრაზილიელ ნახევარმცველს კვირაში £650 ათასს სთავაზობს.

კაზემიროს მანჩესტერ იუნაიტედთან ხელშეკრულება 2026 წლის 30 ივნისამდე აკავშირებს, თუმცა ის ინგლისური კლუბისთვის ხელშეუხებელი არაა და მალე, შესაძლოა, საუდი პრო ლიგაში აღმოჩნდეს.