კრიშტიანუ რონალდუ: მანჩესტერ იუნაიტედი კვლავ მიყვარს

2022 წლის ნოემბერში კლუბიდან ცუდად წასვლის მიუხედავად, კრიშტიანუ რონალდუმ მანჩესტერ იუნაიტედის მიმართ სიყვარული კიდევ ერთხელ გამოხატა.

"ზოგჯერ ცხოვრებაში რაღაცებს ვერ ვაკონტროლებთ, მაგრამ რაც მოხდა, მოხდა. ვიმეორებ, მანჩესტერ იუნაიტედი კვლავ მიყვარს," - თქვა პორტუგალიელმა ლეგენდამ.

კრიშტიანუ ოლდ ტრაფორდზე 2021 წლის აგვისტოში დაბრუნდა, თუმცა ეს ნაბიჯი არცისე წარმატებული გამოდგა. ფეხბურთელს ერიკ ტენ ჰაგთან კონფლიქტი ჰქონდა, რაც საბოლოოდ მხარეებს შორის კონტრაქტის გაწყვეტით დასრულდა.

ამის შემდეგ, რონალდუ ალ ნასრში გადავიდა, სადაც დღემდე თამაშობს. მას არაბულ კლუბთან ხელშეკრულება 2025 წლამდე აკავშირებს.