კვლავ მესი! - არგენტინელი წლის საუკეთესო ფეხბურთელი გახდა

არგენტინის ეროვნული ნაკრებისა და ინტერ მაიამის ლიდერმა, ლიონელ მესიმ FIFA The Best-ის დაჯილდოვებაზე წლის საუკეთესო ფეხბურთელის ჯილდო მიიღო.

"ალბისელესტეს" კაპიტანმა აღნიშნულ ნომინაციაში კილიან მბაპესა (პარი სენ-ჟერმენი, საფრანგეთის ნაკრები) და ერლინგ ჰოლანდს (მანჩესტერ სიტი, ნორვეგიის ნაკრები) აჯობა.

ცნობისთვის, ლეომ ეს პრიზი მესამედ მოიგო, პირველად 2019 წელს, შემდეგ კი 2022-ში. აღნიშნულ შუალედში წლის საუკეთესო ფეხბურთელი ორივეჯერ რობერტ ლევანდოვსკი გახდა.

შეგახსენებთ, რომ "თეთრ-ლურჯების" ათიანი ფლორიდულ კლუბში გადავიდა გასული წლის ივნისში და ამ დრომდე მან 14 შეხვედრაში 11 გოლის გატანა შეძლო.