ავტორიზაცია
კვლავ ქართველების წინააღმდეგ – ვის შეხვდება დინამო ბათუმი კონფერენს ლიგაზე?
ჩემპიონთა ლიგის საკვალიფიკაციო ეტაპის 1/8 ფინალში ბათუმის "დინამო" ბრატისლავას "სლოვანთან", სადაც გურამ კაშია, ჯაბა კანკავა და გიორგი ჩაკვეტაძე ირიცხებიან, ორი მატჩის ჯამში ანგარიშით 1:2 დამარცხდა.
ასე და ამგვარად, საქართველოს მოქმედი ჩემპიონი ასპარეზობას კონფერენს ლიგის შესარჩევში გააგრძელებს, სადაც პოზნანის "ლეხს" დაუპირისპირდება.
აღსანიშნავია, რომ პოლონური კლუბის ღირსებას, რომელიც ქვეყნის მოქმედი ჩემპიონია, ორი ქართველი ფეხბურთელი იცავს - ნიკა კვეკვესკირი და გიორგი წიტაიშვილი.
თავის მხრივ, "ლეხმა" ჩემპიონთა ლიგის საკვალიფიკაციო ეტაპზე აზერბაიჯანულ "ყარაბაღთან" წააგო - 1:0, 1:5.
ცნობისთვის, ბათუმის "დინამოსა" და პოზნანელების პირველი შეხვედრა 21 ივლისს გაიმართება, ხოლო საპასუხო - 28 ივლისს.
