ავტორიზაცია

ლა ლიგამ მწვანე აანთო! ლეო მესის ბარსელონაში დაბრუნების შანსი საგრძნობლად გაიზარდა

ლა ლიგამ მწვანე აანთო! ლეო მესის ბარსელონაში დაბრუნების შანსი საგრძნობლად გაიზარდა
თარიღი 05 ივნ 2023, 17:32
„ბარსელონამ“ ლა ლიგისგან „სიცოცხლისუნარიანობის გეგმაზე“ მწვანე შუქი მიიღო.

როგორც ავტორიტეტული ესპანელი ჟურნალისტები იტყობინებიან, ლა ლიგის წარმომადგენლებმა, ახლახანს გამართულ შეხვედრაზე, „ბარსელონას“ მომდევნო სეზონის ფინანსური გეგმა დაადასტურეს. უახლოეს პერიოდში, ამ სიტუაციაზე კლუბი ოფიციალურ განცხადებასაც გააკეთებს.

Mundo Deportivo-ს ინფორმაციით, დამტკიცებამ მეტი დრო წაიღო, ვიდრე თავდაპირველად იგეგმებოდა. მიუხედავად ამისა, მისი დამსახურებით „ბარსელონას“ ლეო მესისთვის ოფიციალური შეთავაზების გაკეთების საშუალება მიეცა.

თუ კლუბი თავისი წარდგენილი გეგმის რეალიზებას მოახერხებს, ეს „ბარსელონას“ ლეო მესის ტრანსფერის დარეგისტრირებასთან ერთად, პირველ გუნდში გავის ჩაწერის საშუალებასაც მისცემს.

ეს ფინანსური გეგმა სახელფასო ფონდის შემცირებას და ფეხბურთელების გაყიდვას გულისხმობს.