"ლა ლიგის გუნდს ჩავიბარებდი" | ჩავი ერნანდესი

ბარსელონას ლეგენდამ, ჩავი ერნანდესმა განაცხადა, რომ მზადაა, სამწვრთნელო საქმიანობას დაუბრუნდეს.

მზად ვარ, მუშაობა დავიწყო... ლა ლიგის გუნდს სიამოვნებით ჩავიბარებდი. მიმზიდველ პროექტს ვეძებ," — ჩავი ერნანდესი.

ჩავიმ ბარსა 2023/24 წლების სეზონის დასრულების შემდეგ დატოვა და 1 წლით დასვენება გადაწყვიტა. ერნანდესმა ბარსელონას მთავარი მწვრთნელის პოსტზე ორწელიწადნახევარი გაატარა და 2 ტიტული მოიგო (ლა ლიგა და ესპანეთის სუპერ თასი).

მანამდე, ჩავი ალ სადში მუშაობდა და კატარში დომინანტი გუნდი ჰყავდა.