ლაიფციგმა პსჟ-სგან მცველი იყიდა

"პსჟ"-ს მცველი ელ შადაი ბიტშიაბუ გერმანიის ბუნდესლიგაში გადავიდა.

როგორც პარიზული კლუბის ოფიციალური საიტი იტყობინება, ფეხბურთელი კარიერას "ლაიფციგში" გააგრძელებს.

18 წლის ფრანგმა "ლაიფციგთან" გრძელვადიანი შრომითი ხელშეკრულება გააფორმა, რომელიც 2028 წლის ზაფხულამდეა გათვლილი.

ტრანსფერის ღირებულება არ გამოცხდებულა, თუმცა მედიის ცნობით, გარიგება დაახლოებით 15 მილიონ ევროს შეადგენდა.

მცველმა საფრანგეთის ჩემპიონატში გასულ სეზონში 13 მატჩი ჩაატარა, რომელშიც გოლი არ გაუტანია.