ლამინ იამალი და კუ ნინძის ნიღაბი - როგორ აპირებდა 16 წლის ესპანელი კილიან მბაპეს დატროლვას?

თარიღი: 12 Jul 2024, 16:24

ევროპის ჩემპიონატის ნახევარფინალში ესპანეთმა საფრანგეთი დაამარცხა და ფინალში გავიდა, სადაც ინგლისს დაუპირისპირდება.

"მამლების" წინააღმდეგ ლამინ იამალის ბენეფისი შედგა, რომელმაც შორეული დარტყმით მაიკ მენიოს შანსი არ დაუტოვა და ბრწყინვალე გოლი გაუტანა.

აღსანიშნავია, რომ შეხვედრის დასრულების შემდეგ 16 წლის ფეხბურთელი პრესკონფერენციაზე კუ ნინძის ნიღბით მიდიოდა და ასე კილიან მბაპეს დატროლვას აპირებდა, მაგრამ ესპანელს ოფიციალურმა პირებმა ის ჩამოართვეს.

კილიან მბაპეს დიდი ხანია, კუ ნინძას ამსგავსებენ. ეს ყველაფერი აქტუალური მას შემდეგ კიდევ ერთხელ გახდა, რაც გატეხილი ცხვირის გამო ფრანგს ევროზე ნიღბის ტარება მოუწია.