ლამინ იამალი: ეს დაბადების დღის საუკეთესო საჩუქარია
![ლამინ იამალი: ეს დაბადების დღის საუკეთესო საჩუქარია](http://storage.goal.ge/uploads/posts/9Lm2EAzDOz79RnB0qWqWcYelh0nh3kcO.jpg)
ევროპის ჩემპიონობის შემდეგ, ლამინ იამალმა მედიასთან ისაუბრა:
"ოცნება ამიხდა. მსურს, ესპანეთში დავბრუნდე და ეს გამარჯვება ქომაგებთან ვიზეიმო, ასევე, ოჯახის წევრებთან. ეს დაბადების დღის საუკეთესო საჩუქარია.
თანაგუნდელები ბევრს მეხმარებიან. თავს ძალიან კომფორტულად ვგრძნობ და ბედნიერი ვარ."
17 წლის შემტევი ევრო 2024-ის საუკეთესო ახალგაზრდა მოთამაშედ დაასახელეს. აღსანიშნავია, რომ ის ისტორიაში ყველაზე ახალგაზრდა ფეხბურთელია, ვისაც ევროპის ჩემპიონატი მოუგია.
ამასთან, ლამინი 17 წლისა და 1 დღის ასაკში ყველაზე ახალგაზრდა ფეხბურთელია, ვისაც დიდი სანაკრებო ტურნირის ფინალში უთამაშია. ბარსელონას ტალანტმა პელეს რეკორდი მოხსნა, რომელიც 1958 წლის მსოფლიოს ჩემპიონატის ფინალში 17 წლისა და 249 დღის იყო.