ლამინ იამალი: გერმანიას გავუტან

16 წლის ესპანელი ფეხბურთელი, ლამინ იამალი ევრო 2024-ზე ბრწყინვალე პერფორმანსებს გვთავაზობს.

ბარსელონას ტალანტი ევროპის ჩემპიონატის ისტორიაში ყველაზე ახალგაზრდა მოთამაშეა, რომელმაც ასისტი ჯგუფურ ეტაპზე და ფლეიოფშიც მიითვალა. ის საქართველოს წინააღმდეგ გამართულ მატჩში 1-2 გოლის გატანასთანაც ძალიან ახლოს იყო, მაგრამ მეტოქეთა კარი ჯერ არ აუღია.

როგორც ჩანს, ლამინს ეს ფაქტი არ აწუხებს და თავდაჯერებულია. იამალის თქმით, მას ჰგონია, რომ მანუელ ნოიერს გაუტანს.

"ბედნიერი ვარ, რომ მეოთხედფინალში გავედით. მომდევნო მატჩს მოუთმენლად ველი. რა თქმა უნდა, საქართველოსთან გატანა მინდოდა, მაგრამ, ვფიქრობ, გერმანიას გავუტან," - თქვა იამალმა Sport-თან ინტერვიუში.