ლამინ იამალმა ჩემპიონთა ლიგაზე ახალი რეკორდი დაამყარა

ჩემპიონთა ლიგის 1/2 ფინალში, ბარსელონამ საკუთარ მოედანზე ინტერს უმასპინძლა — მატჩი უხვგოლიანი გამოდგა და ფრედ, 3-3 დასრულდა.

აღნიშნულ შეხვედრაში ბარსელონას მხრიდან ერთი გოლი ლამინ იამალმა გაიტანა და ტურნირზე ახალი რეკორდი დაამყარა. ესპანელი ვარსკვლავი 17 წლის და 291 დღის ასაკში ყველაზე ახალგაზრდა გოლის ავტორია ჩემპიონთა ლიგის 1/2 ფინალში. მანამდე, აღნიშნული რეკორდი კილიან მბაპეს ეკუთვნოდა, რომელმაც 18 წლის და 140 დღის ასაკში მოახერხა გოლის გატანა.

ბარსელონას და ინტერის განმეორებითი დაპირისპირება მილანში, 6 მაისს გაიმართება და თბილისის დროით 23 საათზე დაიწყება.