ლამინ იამალმა Golden Boy მოიგო

Sport-ის ჟურნალსტის, ტონი ხუანმარტის ინფორმაციით, ლამინ იამალი Golden Boy-ს გამარჯვებულია.

ეს ინფორმაცია ოფიციალურად მალე დადასტურდება, 17 წლის ფეხბურთელი კი პრიზს 16 დეკემბერს, ტურინში გასამართ გალაზე ჩაიბარებს.

აღსანიშნავია, რომ იამალის თანაგუნდელი, პაუ კუბარსი, სავარაუდოდ, 5-ეულში მოხვდება.

Golden Boy, რომელიც უმაღლეს ლიგაში მოთამაშე წლის საუკეთესო ახალგაზრდა (21-წლამდე) ფეხბურთელს გადაეცემა, 2003 წელს Tuttosport-ის ჟურნალისტებმა დააარსეს - მისი პირველი გამარჯვებული რაფაელ ვან დერ ვაარტი გახდა, ბოლო მფლობელი კი ჯუდ ბელინგემია.

"ოქროს ბიჭუნას" ყველაზე მეტი, 4 მფლობელი ესპანეთს ჰყავს; ინგლისსა და საფრანგეთს - 3;
ნიდერლანდებს, არგენტინას, ბრაზილიასა და პორტუგალიას - 2; იტალიას, გერმანიასა და ნორვეგიას კი - 1. ამ მხრივ, კლუბებს შორის, 3-3 გამარჯვებულით, ბარსელონა, დორტმუნდი და მანჩესტერ იუნაიტედი ლიდერობენ.