ლაციომ საშინაო მატჩი მოიგო - რა სჭირდება ნაპოლის დღევანდელ მატჩში ჩემპიონობის გასანაღდებლად?

სერია ა-ს 33-ე ტურში „ლაციომ“ შინ „სასუოლოს“ მოუგო.

სტადიო „ოლიმპიკოზე“ გამართული შეხვედრა რომაული გუნდის გამარჯვებით 2:0 დასრულდა.

მე-14 წუთზე ფელიპე ანდერსონმა ანგარიში გახსნა, 90+2-ზე კი ბაშიჩმა მეორე გოლი გაიტანა და თამაშში წერტილი დასვა.

ამრიგად, „ლაციომ“ 64 ქულა დააგროვა და მეორე ადგილზე დაბრუნდა, „ნაპოლი“ 15 ქულით წინ არის, რაც იმას ნიშნავს, რომ უკვე დღეს, 4 მაისს, სტუმრად „უდინეზესთან“ მინიმუმ ერთი ქულის მოპოვების შემთხვევაში, ნეაპოლელები ნანატრ ჩემპიონობას ოფიციალურად გაინაღდებენ.