ლეგენდარული არგენტინელი ფეხბურთელი შეეცდება, კავანი ტრანსფერზე დაიყოლიოს

„მანჩესტერ იუნაიტედის“ ურუგვაელმა თავდამსხმელმა, ედინსონ კავანიმ, ზაფხულში შესაძლოა კარიერა „ბოკა ხუნიორსში“ გააგრძელოს.

Fichajes.net-ის ინფორმაციით, 34 წლის ფეხბურთელის დარწმუნებას „ბარსელონას“ და „ვილიარეალის“ ექს-ფეხბურთელი, ხუან რომან რიკელმე შეეცდება, რომელიც ამჟამად „ბოკას“ ვიცე-პრეზიდენტის თანამდებობას იკავებს.

რიკელმე ოცნებობს, რომ „ბოკა“ ვარსკვლავური ვეტერანების დუეტით შეუტევს - გუნდში უკვე ასპარეზობს 36 წლის არგენტინელი, კარლოს ტევესი.

გავრცელებული ინფორმაციით, „მანჩესტერის“ ხელმძღვანელობა კავანის ხშირი ტრავმიანობითა და ფიზიკური კონდიციებით შეშფოთებულია და შესაძლოა, ფეხბურთელი მეორე სეზონისთვის აღარ დაიტოვოს.