ლეგენდარულმა იან რაშმა ბეილს მომავალი გუნდი შეურჩია
ლეგენდარული უელსელი თავდამსხმელი, იან რაში "მადრიდის რეალის" შემტევს სამშობლოში დაბრუნებას ურჩევს.
"ბევრი ამბობს, რომ ბეილი კარიერის დასრულებას აპირებს. თუ უელსის ნაკრები მსოფლიო ჩემპიონატზე თამაშის უფლებას მოიპოვებს, დარწმუნებული ვარ ის ფეხბურთიდან არ წავა და თამაშს გააგრძელებს. ამიტომ, უკრაინისთან გადამწყვეტ მატჩში ნაკრები ბოლომდე უნდა დაიხარჯოს და ძალ-ღონე არ უნდა დაიშუროს წარმატების მისაღწევად.
ვფიქრობ, დიდებული იქნებოდა თუ გარეტი "კარდიფში" დაბრუნდებოდა. ეს ერთგულების დიდი გამოვლინება იქნებიდა. ჩემი აზრით, ეს ნაბიჯი ორივე მხარეს წაადგებოდა." - ციტირებს ვეტერანი ფორვარდის სიტყვებს Wales Online.
შეგახსენებთ, 32 წლის წინახაზელმა "სამეფო კლუბის" დატოვების გადაწყვტილება მიიღო. ბეილმა "ლოს ბლანკოსის" რიგებში 5 ჩემპიონთა ლიგა, 3 ლა ლიგა და ერთი ესპანეთის თასი მოიგო.
