ლეო მესისა და ლამინ იამალის გზები კვლავ გადაიკვეთება

ამის შემდეგ ინტერნეტსივრცეში ლეგენდარული არგენტინელისა და 16 წლის ფეხბურთელის კიდევ არაერთი ფოტო გავრცელდა, რომელიც 2007 წლის დეკემბრით თარიღდება. მაშინ იამალი მხოლოდ და მხოლოდ 4 თვის იყო.

Sport-ის ინფორმაციით, რომ ეს ფოტოები სოლიდარობის კალენდრის გამო გადაიღო, რომელსაც კატალონიური გამოცემა ყოველ წელს აწარმოებდა და რომელშიც ბარსელონას ფეხბურთელები ალტრუისტულად (უანგარო დახმარება) მონაწილოებდნენ.

გუშინ ესპანეთი, რომელშიც ლამინ იამალი ბრწყინავდა, ევროპის ჩემპიონი გახდა, ლეო მესის არგენტინამ კი კოპა ამერიკა მოიგო. აღსანიშანვია, რომ "ფურია როხა" და "ალბისელესტე", როგორც ევროსა და კოპას ჩემპიონები, ერთმანეთს ფინალისიმაში დაუპირისპირდებიან - შესაბამისად, ეს ნიშნავს, რომ ზემოხსენებული ცნობილი ფოტოებიდან წლების შემდეგ, მესისა და იამალის გზები კვლავ გადაიკვეთება და ისინი მოედანზე ერთმანეთის პირისპირ გავლენ.

კატალონიური პრესის ცნობით, ფინალისიმას ჩატარების ზუსტი თარიღი ჯერ ცნობილი არაა. სავარაუდოდ, ეს მატჩი ამერიკის შეერთებულ შტატებში, 2025 წლის აგვისტოში გაიმართება.