ავტორიზაცია
ლეონარდო: მბაპესთვის კონტრაქტის გახანგრძლივების წინააღმდეგი ვიყავი
პარი სენ-ჟერმენის ყოფილმა სპორტულმა დირექტორმა, ლეონარდომ განაცხადა, რომ 2022 წელს კილიან მბაპეს კონტრაქტის გახანგრძლივების წინააღმდეგი იყო.
"2022 წელს, ასეთი ასტრონომიული ხელშეკრულების გაფორმებაზე უარს ვამბობდი, რადგან მოცემული პირობები ჩემთვის მიუღებელი იყო.
ფეხბურთელის დაკარგვა სამწუხაროა, მაგრამ კლუბი ამით არსებობას არ შეწყვეტს. რომელიმე გუნდი მოთამაშის წასვლის გამო დაშლილა? არა. დრო საჭიროა, მაგრამ გამოსავალი ყოველთვის გამოჩნდება.
წარსულში მეც ფეხბურთელი ვიყავი, მაგრამ მოთამაშე კლუბზე მნიშვნელოვანი ვერასდროს იქნება," - განაცხადა ბრაზილიელმა.
ლეონარდო ფიქრობს, რომ პსჟ-ს მბაპე 2020/21 წლების სეზონის შემდეგ რეალისთვის უნდა მიეყიდა. საბოლოოდ, 2024 წლის ზაფხულში, პარიზულმა კლუბმა კილიანი უფასოდ დაკარგა.
