ლეროი სანე შესაძლოა პრემიერ ლიგაში დაბრუნდეს

მიუნხენის ბაიერნის ვინგერი, ლეროი სანე ზაფხულში შესაძლოა თავისუფალი აგენტი გახდეს. გერმანელი მოთამაშე სერიოზულად განიხილავს კლუბის დატოვებას და გერმანელის დამატების სურვილი უკვე ორმა ინგლისურმა კლუბმა გამოთქვა. საუბარია მანჩესტერ იუნაიტედზე და ლონდონის არსენალზე. ორივე გუნდს სანეს დამატება თავისუფალი აგენტის სტატუსით სურს. 

გერმანელ ფეხბურთელს დიდი გამოცდილება აქვს პრემიერ ლიგაში ასპარეზობის. სანე 4 სეზონის მანძილზე მანჩესტერ სიტის ღირსებას იცავდა, “ქალაქელების“ მაისურით, სანემ 128 პრემიერ ლიგურ მატჩში მიიღო მონაწილეობა და 30 გოლის გატანა მოახერხა. ლეროის და ბაიერნის ხელმძღვანელობას დაძაბული ურთიერთობა აქვთ და არსებობს იმის შანსი, რომ გერმანელმა ინგლისში დაბრუნება მოისურვოს.