ლესტერმა შესაძლოა რომას თავდამსხმელი შეისყიდოს

"ლესტერმა" შეიძლება "რომას" თავდამსხმელი, ჩენგიზ უნდერი შეისყიდოს, წერს Leicestershire Live.

გავრცელებული ინფორმაციით, 23 წლის თურქს, რომელიც "მელიების" ღირსებას 2020/21 წლების სეზონის ბოლომდე იჯარის წესით იცავს, კარიერის ინგლისურ კლუბში გაგრძელება უნდა.

როგორც იუწყებიან, "ლესტერი" ფეხბურთელის შესყიდვის თაობაზე გადაწყვეტილებას მაისში მიიღებს.

2020/21 წლების სეზონში უნდერმა "მელიების" რიგებში 12 მატჩი ჩაატარა, 1 გოლი გაიტანა და 3 ასისტიც მიითვალა.