ლევანდოვსკიმ დაბრუნება გოლით აღნიშნა, თუმცა ბაიერნი მაინცთან სენსაციურად დამარცხდა [VIDEO]

გერმანიის ჩემპიონატის 31-ე ტურის ეგიდით, მიუნხენის "ბაიერნი" "მაინცს" ესტუმრა.

აღნიშნული დაპირისპირება მასპინძელთა გამარჯვებით დასრულდა - 2:1.

ანგარიში მატჩის დებიუტშივე, მანუელ ნოიერის უხეში შეცდომის შემდეგ გაიხსნა - მე-3 წუთზე, "მაინცი" ჯონათან ბურკარდტმა დააწინაურა.

37-ე წუთზე, მიუნხენელთა კარში მეორე გოლი რობინ ქუაისონმა გაიტანა და "რეკორდმაისტერის" მდგომარეობა კიდევ უფრო დაამძიმა.

მიუხედავად არაერთი მცდელობისა, "ბაიერნმა" მხოლოდ ერთი გოლის გაქვითვა მოახერხა - 94-ე წუთზე, რობერტ ლევანდოვსკიმ დაბრუნება გატანილი ბურთით აღნიშნა.

ამ შეხვედრის შემდეგ, მიუნხენური გრანდი ბუნდესლიგის სატურნირო ცხრილში 71 ქულით ერთპიროვნული ლიდერია, "მაინცი" კი 34 ქულით მე-12 პოზიციას იკავებს.

ვიდეომიმოხილვა