ლევანდოვსკიმ კოპა დელ რეიზე ბარსელონასთვის საიუბილეო და ისტორიული გოლი გაიტანა

ხავის გუნდმა მეტოქე მარტივად 5:0 დაამარცხა და მეოთხედფინალში გავიდა, სადაც, როგორც დღეს გაირკვა, „სოსიედადს" შინ დაუპირისპირდება.

ამ შეხვედრაში გატანილი ხუთი გოლიდან მეორე „ბარსელონასთვის" ესპანეთის თასზე 1500-ე აღმოჩნდა. 

ამ საიუბილეო გოლის ავტორი პოლონელი ფორვარდი რობერტ ლევანდოვსკი გახდა. 

საინტერესოა, რომ თავისი პირველი გოლი ეროვნულ თასზე „ბარსამ" შორეულ 1909 წელს გაიტანა.