ლევანდოვსკის 41-ე გოლი — ბაიერნმა სეზონის ბოლო მატჩში აუგსბურგი გაანადგურა [VIDEO]

გერმანიის ჩემპიონატის 34-ე ტურის ეგიდით, ჩემპიონმა "ბაიერნმა" "ალიანც არენაზე" "აუგსბურგს" უმასპინძლა.

აღნიშნული შეხვედრა მიუნხენური გრანდის გამარჯვებით დასრულდა - 5:2.

ანგარიში მატჩის დებიუტშივე გაიხსნა - მე-9 წუთზე, "რეკორდმაისტერი" ჯეფრი გუველიოს ავტოგოლით დაწინაურდა.

23-ე წუთზე, მასპინძელთა უპირატესობა სერჟ გნაბრიმ გაზარდა, ზუსტად ორ წუთში კი სტუმრებმა თერთმეტმეტრიანი ვერ გამოიყენეს - პენალტი დანიელ ცალიგიურიმ გააცუდა.

33-ე წუთზე, ჯოშუა კიმიხმა ანგარიში გამანადგურებელი გახადა, რამდენიმე წუთში კი თავისი გოლი კინგსლი კომანმაც შეაგდო.

მეორე ნახევარი "აუგსბურგის" გოლებით დაიწყო - 67-ე წუთზე, ჯერ ანდრე ჰანმა გამოიჩინა თავი, ხოლო 72-ე წუთზე ფლორიან ნიდერლეჩნერმა გაიტანა.

საბოლოო შედეგი 90-ე წუთზე დაფიქსირდა - რობერტ ლევანდოვსკიმ ბუნდესლიგის 2020/21 წლების სეზონის გათამაშება 41 გოლით დახურა.

ვიდეომიმოხილვა