ლევანდოვსკის ჰეთ-თრიქი და ჰოლანდის დუბლი - კაცნაკლულმა ბაიერნმა შტუტგარტი გაანადგურა, დორტმუნდმა ვერ მოიგო [VIDEO]

თარიღი: 20 მარ 2021, 20:35

გერმანიის ჩემპიონატის 26-ე ტურის ეგიდით, "ბაიერნმა" და "დორტმუნდმა" თავიანთი მატჩები გამართეს.

მიუნხენურმა გრანდმა "ალიანც არენაზე" "შტუტგარტს" უმასპინძლა და 4:0 გაანადგურა. აღსანიშნავია, რომ მე-12 წუთზე "რეკორდმაისტერს" ალფონსო დეივისი გაუძევეს მოედნიდან. ზუსტად 6 წუთში კი რობერტ ლევანდოვსკიმ პირველი ბურთი შეაგდო, რასაც 22-ე წუთზე სერჟ გნაბრის გოლი მოჰყვა, სულ რაღაც ერთ წუთში პოლონელმა დუბლი გაიფორმა, ხოლო 39-ე წუთზე მის აქტივში უკვე ჰეთ-თრიქი იყო და საბოლოო ანგარიშიც დააფიქსირა.

ვიდეომიმოხილვა

ბორუსიელები "კიოლნს" ესტუმრნენ და შეხვედრა ფრედ დასრულდა - 2:2. ანგარიში მე-3 წუთზე ერლინგ ჰოლანდმა გახსნა, 35-ე წუთზე კი "დორტმუნდის" კარში დანიშნული პენალტი ონდრეი დუდამ აქცია გოლად. 65-ე წუთზე, ისმაილ ჯეიკობსის გოლით მასპინძლები წინ გავიდნენ. ბორუსია მარცხს 90-ე წუთზე ჰოლანდმა გადაარჩინა, რომელმაც დუბლი შეასრულა.

ვიდეომიმოხილვა

სატურნირო ცხრილში "ბაიერნი" 61 ქულით პირველ ადგილს იკავებს, "დორტმუნდი" კი ოთხეულს მიღმაა და 43 ქულით მე-5 პოზიციაზეა.