ავტორიზაცია
ლევანტე საქართველოში ახალგაზრდა ტალანტებს სინჯებზე იწვევს
საფეხბურთო კლუბმა ლევანტემ საქართველოში ID Talent-ის ჩატარება გადაწყვიტა, რაც ნიშნავს, რომ ესპანური კლუბი ახალგაზრდა ქართველ ფეხბურთელებს თავის გამოჩენის შანსს აძლევს.
აღნიშნული პროექტი ახალგაზრდებს საშუალებას მისცემს, მონაწილეებს რომ გაეცნონ იმ პინციპებსა და ღირებულებებს, რომლებსაც ესპანური კლუბი პროფესიონალი ფეხბურთელების გამოწრთვნისას მიჰყვება.
ლევანტეს სინჯებზე რეგისტრაცია 19 და 20 აგვისტოს თბილისში იქნება შესაძლებელი. მასში მონაწილეობის მიღება 2006-დან 2011 წლამდე დაბადებულ ფეხბურთელებს შეეძლებათ.
"დაწმუნებულები ვართ, რომ აღნიშნული ღონისძიება იქნება დასაწყისი ფუნდამენტური კავშირების დამყარებისა საქართველოს მხარესთან. ვიმედოვნებთ, რომ შესაძლებელი იქნება, ქართველმა დაწმყებმა ფეხბურთელებმა საკუთარი შესაძლებლობები გამოავლინონ ჩვენი ექსპერტების წინაშე. ასევე, გვჯერა, რომ ეს დამწყები ფეხბურთელებისთვის დიდი მოტივაცია იქნება და ასევე, ჩვენ შესაძლებლობას მოგვცემს მომავალი დიდი ფეხბურთელები პირველებმა აღმოვაჩინოთ საქართველოში!" - აცხადებს ლევანტე.
"მოგესალმებით, მეგობრებო,
ძალიან ბედნიერი ვარ, რომ მაქვს შესაძლებლობა გაგიზიაროთ ამბავი საქართველოში ლევანტეს საწვრთნელი ბანაკის შესახებ.
19-20 აგვისტოს ლევანტე, საქართველოს ფეხბურთის ფედერაციის მხარდაჭერით დიდი დიღმის საფეხბურთო ცენტრში უმასპინძლებს 2006-2011 წლებში დაბადებულ ახალგაზრდა ფეხბურთელებს.
საწვრთნელი ბანაკის შემდეგ შეირჩევა 10 ფეხბურთელი, რომლებსაც საშუალება ექნებათ მიიღონ მონაწილეობა ლევანტეს პროექტ PLAYER EXPERIENCE-ში და ორი კვირა გაატარონ ლევანტეს აკადემიაში და მიიღონ ის ცხოვრებისეული და სპორტული გამოცდილება, რაც დაეხმარებათ, რომ გახდნენ უკეთესი ადამიანები და პროფესიონალები. პირობების შესახებ დეტალური ინფორმაციას იხილავთ ლევანტეს პოსტში. Levante UD
ჩემთვის ძალიან მნიშვნელოვანია, რომ ახალგაზრდა ქართველ ფეხბურთელებს ექნებათ იმ ყველაფრის ნახვისა და საკუთარ თავზე გამოცდის შანსი, რაც მე დამეხმარა, რომ მივსულიყავი ჩემს მიზნებთან.
დიდი მადლობა ლევანტეს ამ ინიციატივისთვის და საქართველოს ფეხბურთის ფედერაციას მხარდაჭერისთვის.
შეხვედრამდე! 🫡❤️" - წერს გიორგი ქოჩორაშვილი.
