ავტორიზაცია
ლევანტემ ქოჩორაშვილი ერთი წლით გაანათხოვრა
23 წლის ნახევარმცველი გიორგი ქოჩორაშვილი 1-წლიანი იჯარით ესპანეთის რანგით მესამე დივიზიონის "კასტელონში" ითამაშებს.
ქართველი მიმდინარე სეზონისთვის "ლევანტეს" ძირითად გუნდში დააწინაურეს, თუმცა ლა ლიგა 2-ის პირველი სამი ტურის განმავლობაში განაცხადში მოხვედრა ვერ შეძლო.
ქოჩორაშვილი წინა სეზონში "ლევანტე" B-ს კაპიტანი იყო. 2019/20 წლების სეზონში ლა ლიგაში ერთხელ, ხოლო 2020/21 წლების სეზონში კი სამჯერ ითამაშა.
ესპანეთის პრიმერა RFEF - მეორე ჯგუფის გათამაშება 27 აგვისტოს დაიწყო, "კასტელონი" პირველ ტურში "ბარსელონა" B-ს დაუპირისპირდა და 3:2 დამარცხდა. გუნდი შემდეგ ტურის შეხვედრას 4 სექტემბერს "საბადელის" წინააღმდეგ გამართავს.
