ლილის მცველი უმტიტი რეიმსთან მატჩის შემდეგ საავადმყოფოში გადაიყვანეს

"ლილის" მცველი სამუელ უმტიტი ლიგა 1-ის მეექვსე ტურის შემდეგ "რეიმსთან" (1:2) ტვინის შერყევის შედეგად საავადმყოფოში გადაიყვანეს. ამის შესახებ "ლილის" მთავარმა მწვრთნელმა პაულო ფონსეკამ განაცხადა.

შეგახსენებთ, რომ პირველ ტაიმში 29 წლის ფრანგი მეტოქეს შეეჯახა. თუმცა უმტიტიმ შესვენებამდე თამაში გააგრძელა, რის შემდეგაც ცუდად გახდა.

"ის საავადმყოფოშია. მას ტვინის შერყევა აქვს. ველოდებით სამედიცინო შემოწმების შედეგებს. ის, ალბათ, შემდეგ მატჩში ვერ ითამაშებს “, - ციტირებს ფონსეკას სიტყვებს L’Équipe.