ლილის პრეზიდენტი: "რენატუ სანჩეში ამ ზაფხულს წავა – მილანში ან პსჟ-ში"
"ლილის" ხელმძღვანელობა მიმდინარე ზაფხულის სატრანსფერო ფანჯარაზე ნახევარმცველ რენატუ სანჩეშს გაყიდის.
"სანჩეში ამ ზაფხულს წავა - "პსჟ"-ში ან "მილანში". რენატუსთვის ორი დიდი გამოწვევაა", - ციტირებს ფრანგული კლუბის პრეზიდენტის სიტყვებს გავლენიანი ინსაიდერი, ფაბრიციო რომანო.
"არცერთ კლუბთან არ მიგვიღწევია სრული შეთანხმებისთვის. ეს საკითხი კონფიდენციალური რჩება", - დასძინა ოლივიე ლეტანგმა.
აქამდე გავრცელებული ინფორმაციით, თავად 24 წლის პორტუგალიელი უპირატესობას "პსჟ"-ს ანიჭებს, მაგრამ "ლილმა" პარიზელები 12 მილიონ ევროიანი წინადადება იუარა.
რენატუ ფრანგულ კლუბში 2019 წლის ზაფხულში "ბაიერნიდან" გადაბარგდა. 2021 წელს პორტუგალიელმა ლიგა 1 მოიგო, მაშინ მას პარიზელთა ახალი დამრიგებელი, გალტიე წვრთნიდა.
გასულ სეზონში სანჩეშმა ყველა ტურნირზე ერთად "ლილის" ღირსება 31 მატჩში დაიცვა, 2 გოლი გაიტანა და 5 შედეგიანი პასიც მიითვალა.
