ავტორიზაცია
ლიონელ მესი: 'დასასრული ახლოვდება, მაგრამ ყველა ოცნება ავისრულე, რაც მქონდა'
Marca-ს მიერ ყველა დროის საუკეთესო ფეხბურთელად დასახელების შემდეგ, ლიონელ მესიმ მადრიდულ გამოცემას ინტერვიუ მისცა.
"დასასრული ახლოვდება... ახლა სიამოვნებას ვიღებ და ყველა მომენტს მაქსიმალურად ვაფასებ.
არგენტინა და ბარსელონა ჩემი სახლია. დღესაც ისეთ ადგილას ვარ, სადაც თავს ძალიან ბედნიერად ვგრძნობ. ეს ჩემი ცხოვრების ახალი ეტაპია.
რა დამრჩა ფეხბურთში? ღმერთის წყალობით, იმის თქმა შემიძლია, რომ ყველა ოცნება ავისრულე, რაც მქონდა. ჩემი უდიდესი ოცნება მსოფლიო ჩემპიონობა იყო.
საკლუბო დონეზეც, ბარსაში ყველაფერი მოვიგე, ასევე - რამდენიმე ტიტული პარი სენ-ჟერმენთან ერთადაც. მეტს ვერაფერს ვისურვებ.
2026 წლის მუნდიალზე თამაში? რაც ხდება, ყველაფერს მიზეზი აქვს. ახლა უბრალოდ დღითი დღე ცხოვრებაზე ვფიქრობ.
თავს კარგად ვგრძნობ და როცა მსოფლიო ჩემპიონატი მოახლოვდება, ვნახავთ, რა იქნება. ამ ეტაპზე ვერაფერს ვიტყვი," - უთხრა ლეგენდარულმა არგენტინელმა Marca-ს.
